مازنی زنان زحمت دور / وشون خسته تن محنت دور
شِه جان مردی دوش برارا / گره سر نخواتن غیرت دور
ته لینگ٬لینگچی و ته بال٬بال اوستی / خالی نون و پیازِ هی بجوستی
نشا هاکردی و وجین هاکردی / تیل بخارده لینگ تا صبح بکوستی
مردی خسته بیه و حوصله نداشته / ته کار هاکرده تنِ چو جِه روشته
وَچه بِرمه کرده وِشنائی گره / تِه خسته تن سینه شیر نداشته
بینج هاکردن مگه اند انده کاره؟ / تروکه تا ونه بوسه اماره
شعر : استاد کاظمی سنگدهی
