قَشِنگِه
لَتِه لِتکا ، سیو تیکا قَشِنگِه
گُلِ اَدا ، دارِ جیکا قَشِنگِه
کَکی زولِنگ، کاردی وشِنگ قَشِنگِه
بورِ وِرزا ، کَچِل جُنکا قَشِنگِه
دَرِه ی اُو گوسفِنِ نو قَشِنگِه
چِنارِ تَن سَبزِ قِوا قَشِنگِه
کِلاج پِه بو ، فِنِرِ سو قَشِنگِه
وَلیگ ، کاندِس ، سیو تِلکا قَشِنگِه
یابوی تَنگ ، دَشتی گد سنگ قَشِنگِه
دار سَرِ واش هَلی زِلکا قَشِنگِه
لاقلی کِماج ، تِلای تاج قَشِنگِه
اَرِگ مِنداک ، اَلزی لولا قَشِنگِه
دیزی کِلِه سَر، کِتری کِلِه وَر قَشِنگِه
کَتِل تَش ، سَردِ هِوا قَشِنگِه
سَرِه وَزلیگ ، پَندیرِ خیک قَشِنگِه
سَرِ کوه وَرف ، کوهی کیجا قَشِنگِه
جِت و اِزال موزی خال قَشِنگِه
چویی کَچِه چویی کِترا قَشِنگِه
دینگالِه چو ، گَندِم کَسو قَشِنگِه
دست بَزِه آرد ، اِماچ حِلوا قَشِنگِه
دارِ تَک تَک ، چَپونِ سگ قَشِنگِه
پیرِ زِنا کاندِه کِلوا قَشِنگِه
گوسفِنِ تال ، قاطِرِ نال قَشِنگِه
یورِ اَسب راه ، کوه صَرا قَشِنگِه
3 امتیاز + /
0 امتیاز - 1393/06/10 - 15:43 در
ما ایرانی ها 
