گرچه عشق اهلی ایچر باده نی جان ساغلیغینا

ایچیرم جام شرابین یارادان ساغلیغینا

ایچیرم سئلده سارا داغدا چوبان ساغلیغینا

ایچیرم مین گول ایچینده بیر تیكان ساغلیغینا

 جوانی آیریلیق آخیرده قوجالدار بیلیرم

ایچرم بیرقوجاشکلیندجوان سالیقنا

چکــــرم نازینی نازلان گــــؤزی جیــــــران منه باخ
منه باخ سئــــوگلی جانان جــان آلان سان منه باخ

حسرتین دن یانارام شمـع کیمی هرگون گئجه لر
نه دوروبسان سؤنوؤر عـمرین شمعی جانا منه باخ

سینه ایچــره اوؤرگیــــــم هر گئجه لر قـــان آغلار
گـوی اُولوم هر گئجه قـوربان سنه جانان منه باخ

یانیروق عشـــق اُودینــا هر بیـــــریمیز بیر یاندا
گل قـــوتارسین بو فـراقین گورلیـــم سن منه باخ

سـاخلارام گؤزلریم اوؤستینده عــــزیزیم سنی من
سینه م اوؤستــــونده یاتان گـــؤزلرینی آچ منه باخ

گوی سنه کؤلگه اُولــــــوم دالدالانیم قــامتینه
یول گئدنده گؤزلیــــــم بیر دو لان هــردن منه باخ

ایستمه عشــــق اُودینا من قــُوجالان واختا یانام
آتش عشقینی ســـؤندوؤرماق اوؤچـون بیر منه باخ

ای عزیزیم نئیه صـــدرانی قُویورسان غریب غربتده
سن قریب کؤنلیمی یاد ایله سُون هردن منه باخ

رحمه گلدون نه گوزل منله مدارا ائلدون

نده قلبیمده کی بو درده مداوا ائلدون

قره گوز اوسته قرا قاشلار ایتی خنجرتک

پیلدی باغریمی گوزیاشیمی دریا ائلدون

آغ یوزونده قره خالون منی ایتدی قره گون

ادیمی دیللره سالدون منی رسوا ایلدون

دارادون تللری توکدون یوزوه شام و سحر

باغلادون ال قولومی محشر کبری ائلدون

تار زلفونله چکوب داره منی اولدوردون

صونرا ویردون گئنه جان معجز عیسا ائلدون

هارا گیتدون گوزلیم منده دالونجان گلدیم

من گوزوم اوسته دئدوم هر نه تمنا ائلدون

سویلیردیم ئوزومه وصلیوه بیر کون چاتارام

منی سالدون اودا یاندوقجا تماشا ائلدون

حیدربابا گؤیلر بوْتوْن دوماندى

گونلریمیز بیر-بیریندن یاماندى

بیر-بیروْزدن آیریلمایون ، آماندى

یاخشیلیغى الیمیزدن آلیبلار

یاخشى بیزى یامان گوْنه سالیبلار

من دئدیم عاشیقم آی قیز ، سن دئدین بوشلا آماندی

من دئدیم سن ده گؤزوم وار ، سن دئدین سئوگی یالاندی

من دئدیم شمعه تای اُول سن ، من ده پروانه تک اُوللام

سن دئدین بیر دایان اوغلان ، بول بو یول درده سالاندی

من دئدیم سئوگی منی بیر قوجا اوغلان الییب

سن دئدین آی قوجا مجنون یئری گئت لیلا جاواندی